La Casa Burger & Pasta (文咸東街) (已結業)

連續放三日假, 當然要同好姊妹出黎食個lunch再去shopping啦!因為朋友係素食者, 好多時搵餐廳一齊食, 都要睇睇menu有冇佢岩食嘅先。前排去上環開會, 經過呢間buger餐廳, burger同意粉類都有素食, 今日一齊去食咗個lunch。餐廳面積比較細, 都有幾張檯供堂食。原本朋友想食素burger, 大啡菇, 可惜缺貨, 唯有食意粉啦。雜菌黑松露意粉:一放上枱即刻聞到好香嘅黑松露味, 有好多芝士喺面, 撈勻之後好creamy, 又唔會好漏, 意粉口感彈牙, 食到底都仲有好多黑松露汁, 如果可以再多啲芝士就更加好啦! 西冷黑松露水牛芝士漢堡:burger 餡料多到瀉, 要用手拎住個burger食都有d狼狽, d料會係咁跌。西冷唔係勁薄果種, 亦唔係好嫩, 不過牛味好重, 有d黑椒吊下味; 一pat水牛芝士附於西冷上, 再加咗黑松露醬, 配搭惹味。相夾嘅仲有蕃茄片、幾片青瓜片、青菜, 肉同蔬菜比例佔各半。兩個主菜各升級為COMBO餐, 包一款自選小食+一罐汽水:薯角表面乾身, 烘至極微脆, 雖然有dd鹽, 但整體都係唔覺有過調味, 要點大量茄汁食, 否則好寡。