更多
2017-05-02
803 瀏覽
今次第一次打食評，估唔到原來系打篇差既😡，我地一行11人想要個安靜地方傾計，見佢地有房，就打去book20:00，過程我有要求要一個靜嘅環境。去到當日，20:10間舖既員工打比我地問會唔會黎，20:13打番去話會到，點知上到去發現系幾張枱拍埋一齊，好迫咁坐，果時我已經奇怪所謂既安靜地方原來系同時有音樂聲&電視聲。😓諗住將就下啦，我地每人叫左個套餐，想全部加大，員工表示我地一定食唔曬，叫我地唔好加。去到食物上枱，先知佢咁講好有道理，因為系難食到一個點🤢：意粉可以系未熟 😤啲汁好似湯水咁😤...但一個套餐要1百幾蚊包飲品，真係貴價又唔飽。😑加上店員其實好冇禮貌，但最大問題系佢自己唔知😓1.我哋打返電話同佢講會遲啲嚟，佢就用好差既語氣講「我仲以為你哋唔黎添」2.由於AA制，所以我哋每人夾返啲錢，結果就會有好多硬幣（有43蚊1蚊銀以上嘅硬幣）點知嗰位員工話法例規定最多20幾蚊，仲好似扮到好客氣咁 「話你哋咁俾我都要收嫁啦」 ，但其實佢錯左，應該係最多＄100先岩。3.我哋臨走之前，佢補番句話本來我哋有得坐房嘅，但因為你哋遲咗聽電話，所以就將間房俾咗人。聽到呢句真係火都嚟埋，我哋坐又坐得迫食又食
我地一行11人想要個安靜地方傾計，見佢地有房，就打去book20:00，過程我有要求要一個靜嘅環境。
去到當日，20:10間舖既員工打比我地問會唔會黎，20:13打番去話會到，點知上到去發現系幾張枱拍埋一齊，好迫咁坐，果時我已經奇怪所謂既安靜地方原來系同時有音樂聲&電視聲。😓
諗住將就下啦，我地每人叫左個套餐，想全部加大，員工表示我地一定食唔曬，叫我地唔好加。去到食物上枱，先知佢咁講好有道理，因為系難食到一個點🤢：意粉可以系未熟 😤啲汁好似湯水咁😤...但一個套餐要1百幾蚊包飲品，真係貴價又唔飽。😑
加上店員其實好冇禮貌，但最大問題系佢自己唔知😓
1.我哋打返電話同佢講會遲啲嚟，佢就用好差既語氣講「我仲以為你哋唔黎添」
2.由於AA制，所以我哋每人夾返啲錢，結果就會有好多硬幣（有43蚊1蚊銀以上嘅硬幣）點知嗰位員工話法例規定最多20幾蚊，仲好似扮到好客氣咁 「話你哋咁俾我都要收嫁啦」 ，但其實佢錯左，應該係最多＄100先岩。
3.我哋臨走之前，佢補番句話本來我哋有得坐房嘅，但因為你哋遲咗聽電話，所以就將間房俾咗人。聽到呢句真係火都嚟埋，我哋坐又坐得迫食又食得唔好，仲要喺度單單打打話我地抵死咁。
4.其實仲有好多，果位員工嘅眼神都好冇禮貌，成日瞪大對眼。
但食呢一餐真係搞到我地好唔盡興。😞因為啲意粉唔熟嘅關係，食完個肚都有啲唔舒服。😖
雖然遲到係我哋唔啱，但係如果真係俾咗間房人哋嘅時候，係咪應該係電話嗰陣時已經要通知聲呢。 結果俾我哋個張枱又細，其他人講嘢又大聲，根本提供唔到所謂靜嘅環境。
本來我覺得作為一個有信仰主題嘅地方，應該感覺舒服，而且員工系坦誠咁去處理每一件事。但結果係我自己諗多咗，對於呢個地方真係有啲失望。同埋環境有啲局，雖然話無煙地方，不過感覺上有股味，令到我地其中一位朋友鼻敏感發作😥😥😥
全程我都冇影過相，因為我覺得冇乜嘢值得影，加上佢哋連份Menu都唔肯比人哋影，話未經許可影嘅話要罰＄500，其實我哋呢啲客人睇落去真係好唔舒服。加上啲食物賣相又唔靚，好求其。仲要坐得唔舒服，冷氣又開到好細。
唉，唔會再去。自己本身都有睇開食評，都發現到有其他嘅食客同我有相同嘅問題，但自己又唔信，結果試完之後真係中晒伏
張貼