尚鮮日式燒肉漁市場 (已易手) 新餐廳

尋晚同公司同事食飯，揀左食A4和牛。一坐底佢就自動上左第一round嘅牛同送左值$128嘅海鮮。第一round啲肉真係勁正，不過牛肉粒就有啲肥。海鮮都算新鮮，不過4隻蝦𥚃面有一隻唔夠新鮮，其他鮑魚帶子同青口就好正。服務態度都幾好。因為唔係太full，職員都俾我地9個人4個爐，不過都真係好好彩先得職員 (應該係經理) 又幫我地燒海鮮又幫我地整蟹蓋，如果唔係真係唔知點搞先好食。個蟹蓋甜甜地，唔洗叫白飯撈。刺身好新鮮，厚切，馬刀貝勁正!!!好多飲品揀，有仙草爽，有黑糖薑茶到第二round啲牛就無第一次咁正，不過好似係因為我地無叫到和牛，所以落order要小心，記得揀返係和牛呀!!!!!!!!!!!!!!!!!!!第三round嘅牛就一樣咁正！熟食方面都正正常常，炸物都幾好。我地叫左好多炸芋頭圓，但無啦啦有三粒酸左，其他又勁正!!!!!!!!佢地換返俾我地仲多左幾粒。