WOFT (已結業)

難得放假, 相約知己好友聚一聚. 打開雜誌見到介紹呢間新開無耐的手工啤酒吧, 見環境唔錯, 地點方便, 就相約係呢度嘆下手工啤酒了!怕walk-in 無位, 我地一行3人已經一早book 好位了. 我地座咗係近窗口位置, 說是窗口, 其實係半開放式的座位, 我地坐的高枱啱啱好係望到街景, 因為呢度唔係正正大街, 所以街外人唔多, 亦都無拖喼人仕, 所以望下街景都好Relax打開Menu 估唔到呢度食物種類都非常多, 而且望落質素都唔錯, 可惜我地已經食咗晚飯, 今次黎到主要叫咗D小食同埋手工啤.叫咗個泰式生蝦刺身同埋脆香避風塘薯條. 生蝦刺身夠新鮮彈牙, 而重點係佢個泰式醬汁做得好好, 夠清新之餘亦都好夠辣, 相比起正宗泰式餐廳有過之而無不及. 我地幾個都讚不紹口. 而避風塘薯條都做得好夠"避風塘", 夠辣,夠脆同埋夠香口, 作為佐酒小食一流!我自己叫咗支"穀雨"手工啤酒, 來自台灣的, 有淡淡烏籠茶香味, 而且麥味好濃陏, 配搭香口食物最啱!值得一讚係呢間手工啤酒真係好多種類, 好多都係其它地方搵唔到, 而且大部份有晒中文Tasting Note, 對手工啤酒初學者都可算係照顧周到!