翠華餐廳 (黃大仙中心北館) (已結業)

住開呢區，放工成日幫襯，由開張到而家，已經不會要求優質服務。呢員工好似走馬燈咁，差不多次次來都有新臉孔，做事錯漏百出。今晚又一經典，成個晚餐都食完，餐湯叫左幾次都未來，叫四眼中年A侍應跟，佢叫等等，問多次又係等等，再問後生B侍應（佢落單的），叫佢跟跟，原來佢未落湯既單😓。最後湯來了，個包去左第二枱，侍應B拎個湯時咩都無講，唔知佢係expect我們知個包拎錯去第二枱定諗住我地唔喜歡食包放棄，要我地主動問先講話搞錯左。大家唔趕時間心情極好先至好幫襯，唔係Happy Friday都激到噴火🔥。唔好意思，小妹無耐性兼eq低，今次真係包容唔到。希望真係有管理層好好正視問題，唔係咁大個場真係做唔到落去。（其他客人也有因其他不滿而臉黑）利申：小妹一向都會幫襯呢間連鎖店，真係唯獨呢間令人失望。