7E咖喱王

營業中

休息中

一直都無去過重慶大廈，呢日一班朋友興起就話去重慶大廈食咖哩，上網一搵就係呢一間7E咖喱王。去到重慶大廈，當然我地係唔識路嘅，同門口嘅南亞裔人士講話我地係去7E咖哩王就有人出黎帶路。我地四個人總共叫左兩個咖哩同兩個烤餅，分別係特色香料雞，馬沙拉燴雞，蒜蓉烤餅同牛油烤餅。兩款雞其實各有特色，馬拉沙燴雞椰汁味比較濃，我個人比較鍾意。烤餅方面，蒜蓉烤餅無咩蒜蓉味，反而牛油烤餅比較香，所以我比較推薦大家點牛油烤餅黎同咖哩一齊食。