759車仔麵 (已結業)

759真係幾勁，除左化妝品同日用品，連車仔麵都做埋！其實我都已經食過幾次，但今次真係終於的起心肝讚下佢！由於今日比較肚餓，所以叫左3個餸，原本30蚊2個餸，加多5蚊多一個餸，我要左娃娃菜，豬紅，同埋咖喱魷魚，米線底。35蚊其實就唔算好底，但會員有折，都算係咁啦。份量其實就足夠，菜夠新鮮清甜，豬紅入味，魷魚都好有咬口。食完一碗其實都幾飽。如果平時真係諗唔到食咩，759車仔麵都係一個不錯的選擇，仲要唔係好使等位。