金記鍋雞

營業中

休息中

買完電子嘢周圍行下，姐姐熱情推介我哋食花膠雞😂，話煲咗起碼6個鐘，好有心機嫁，凍凍地就試吓啦，入面裝修係街坊小店隔局，姐姐話新開一排，眼見環境乾淨企理呀👍🏻 🐔招牌花膠雞鍋 （$68）親民價錢但花膠份量都唔少，湯底飲落好舒服好似媽媽煲咁，夠火喉雞湯味，加$8轉咗雞髀，啖啖肉，仲會跟埋個飯 / 粉，飽晒🥥椰子竹笙雞鍋 （$58）我幾鐘意哩個，有清甜椰子味，雞湯帶微微甜味，感覺好滋潤，而且竹笙同個湯好夾，湯嘅濃淡適中，索晒啲汁幾好😌 哩到好在個鍋係一人一鍋，有火係下面保溫，又唔會好似打邊爐咁熱，多咗份養生感，食完仲暖笠笠🔥