加藤屋 (已結業)

支持黃店，翻版吉野家，當然一分價錢一分貨，下午茶價錢平，仲包飲品，凍既只有汽水，熱既有玄茶，但份量就少左啲啲。#牛肉飯 $20牛肉有啲過肥，見咁平就算，但同圖片有出入。#薯餅 $6 #脆辣炸雞 $5所有小食全部$10以下，薯餅幾食，薯蓉好滑，仲有粒粒粟米。炸雞都唔錯，新鮮熱辣炸出黎，肉質幾滑。#牛肉米粉 $22牛肉少得可憐，得個兩三片咁，湯底比較清淡，食得唔飽肚。下午茶時段好多人，但翻枱翻得好快，唔使等好耐位。