燒肉牛蔵 (已結業)

$298 無限時任食燒肉，睇見都好吸引，如果 7：30 前離坐，每2人仲送一隻就龍蝦。一坐底會先上三碟嘢（六款牛、醃製牛豬雞肉、蔬菜菇），之後就scan QR code落單，除咗燒物類，仲有拉麵、飯、日式炸物，小食，另外飲品、雪糕、甜品就自己出去拎。因為衝著食牛而嚟，所以都encore咗5轉（牛嘅味道都叫合格，但都有幾次俾啲比較肥嘅肉上枱），冇漏單、上枱時間都可以接受（係第一轉等咗差唔多近廿分鐘，之後都十分鐘內）。2條友的話，2小時一定夠食，食過一次叫做試過就可以了。但如果一班人，一路食一路吹水，由5：30食到10：00，都係不錯嘅選擇。