更多
2020-07-26
3477 瀏覽
之前我同男友都食過金鐘 JW Marriott coffee shop 同澳門 JW, 覺得熟食好正，今次 k look有優惠，呢間又平 d ,我地就試下喇~食物就係晒呢到，甜品係樓下以呢個價錢黎講，自己都覺得算幾多選擇！壽司部唔算多款式，魚生都係d基本款式，但壽司飯非非常咁高質！餐廳特意註明係黎自邊個產縣既日本米！本人好鐘意米飯，次次出街食野都會食飯類，無米氣個人會羅羅攣。呢到d飯粒香軟，仲充滿水份，好似食高級日本餐廳魚生井既飯底咁，非常好味！天婦羅隻蝦無咁厚身，都岩既，太厚炸唔熟，大約手指咁粗，全部係蝦肉，唔係用厚粉槳濫竽充數。汁料可以自己加蔔白蓉，薑末同天婦羅汁，真係好夾，唔係間間餐廳都會有薑末加落去，但呢個小小既材料，會提起成日食材既味！我覺得呢到既日式野做得幾好，佢唔係好多款式或者用貴價食材。佢係用d好基本既野，但配塔好細心，加埋有質素既食材，好似日式家常料理，但已經好好食！跟住就要講下呢款鮮蝦水餃！可自選雞湯，豬骨同蕃茄魚湯，即點即煮！我 encore左全部湯底，最推蕃茄魚湯！有睇過我食評都知，我點樣分辨佢係咪真材實料呢？蛋白質遇熱會凝結，如果材料新鮮，營養豐富，熱湯凍左，
食物就係晒呢到，甜品係樓下
以呢個價錢黎講，自己都覺得算幾多選擇！
壽司部唔算多款式，魚生都係d基本款式，但壽司飯非非常咁高質！餐廳特意註明係黎自邊個產縣既日本米！本人好鐘意米飯，次次出街食野都會食飯類，無米氣個人會羅羅攣。呢到d飯粒香軟，仲充滿水份，好似食高級日本餐廳魚生井既飯底咁，非常好味！
天婦羅隻蝦無咁厚身，都岩既，太厚炸唔熟，大約手指咁粗，全部係蝦肉，唔係用厚粉槳濫竽充數。汁料可以自己加蔔白蓉，薑末同天婦羅汁，真係好夾，唔係間間餐廳都會有薑末加落去，但呢個小小既材料，會提起成日食材既味！
我覺得呢到既日式野做得幾好，佢唔係好多款式或者用貴價食材。佢係用d好基本既野，但配塔好細心，加埋有質素既食材，好似日式家常料理，但已經好好食！
跟住就要講下呢款鮮蝦水餃！可自選雞湯，豬骨同蕃茄魚湯，即點即煮！
我 encore左全部湯底，最推蕃茄魚湯！有睇過我食評都知，我點樣分辨佢係咪真材實料呢？蛋白質遇熱會凝結，如果材料新鮮，營養豐富，熱湯凍左，自然會有質蛋白依係面啦！今次我見到喇，唔係次次出街食飯都會見到佢嫁！
隻水餃都好充料，食左咁多隻，隻隻都充滿蝦肉，仲要大大粒又厚身，調味得宜，無雪味，爽滑彈牙！隻蝦真係厚到好誇張，食左好好好多碗！
蜆肉味噌湯， d蜆唔洗話好大隻，以做湯黎講，夠鮮就足夠，湯有蜆味，夠晒甜！想食蜆肉既開始時要去拎喇，食到中段已經會比人拎晒，只餘下湯。
甜品部被餐廳放棄了，見之前食評已有提及，不再多談。
最後，我同男友見到呢個飲品部，心花怒放，因為男友最鐘意飲凍野，d飲品放晒係 d冰到好似好正咁，於是我地一人一枝拎埋位。到坐低時，有個層員急急腳走過黎拎番，佢話要按枝收費！！ Fine~ 有咁多野食，我地覺得加錢再買就無謂喇！講真，個感覺真係麻麻，我地飲得你幾多枝？！個位係上去拎野食既必經入口，可以想像如果有小朋友見到實會想飲，結果又要父母洗埋d無謂錢，可能會有少少掃興。
總括，我覺得食物對得住價錢，但負責賣單既男友就碎碎念，話款式少又無質素，話寧願比多d 錢，要食番 marriott coffee shop喎🤷🏻♀️
張貼
