更多
2019-06-13
825 瀏覽
將軍澳中心一間新開餐廳成為我第174篇食評，亦係第2次成為一間餐廳寫嘅頭一篇食評。餐廳由香港知名插畫家麥雅端小姐打造以Chocolate Rain為主題，結合玩樂+藝術+餐飲的親子餐廳。逢星期二至四以$180一位成人帶同一位十歲以下小朋友喺特定時間享有兩小時用餐以及小朋友於樂戲區玩樂。一入餐廳比我感覺係歡樂，開心，擺設，餐具，人手等細節位嘅安排都睇得出用心。食物亦好有驚喜，餐單由廚師安排，每日唔同，每上一道小食職員都會介紹，而且職員有提及到食物係由米芝蓮三星廚師主理，賣相精緻，味道真係十分唔錯，我同另一位媽咪都有研究討論食材。全程兩個鐘無悶場，影相打卡位好多，職員好傾又有禮，而且畫家小姐亦有同客人傾計同打點餐廳。門口已經見到超大隻Fatina充氣公仔，場內兩個區有精品，餐具購買。擺設同設計有特色，茶檔及士多亦有舊港風味。小朋友多數一入場就衝去遊戲區，遊戲區分別有充氣滑梯同波波池，滑梯下亦有墊軟墊，十分安全。入遊戲區前，職員會耐心同小朋友講安全守則，消毒雙手，全程亦會睇到實，家長可以入去遊戲室陪同小朋友，影吓相或喺用餐區傾計，用餐。每張枱上都有小盆栽及顏色筆擺設。連票都好可愛。飲品可以選
門口已經見到超大隻Fatina充氣公仔，場內兩個區有精品，餐具購買。
擺設同設計有特色，茶檔及士多亦有舊港風味。
小朋友多數一入場就衝去遊戲區，遊戲區分別有充氣滑梯同波波池，滑梯下亦有墊軟墊，十分安全。入遊戲區前，職員會耐心同小朋友講安全守則，消毒雙手，全程亦會睇到實，家長可以入去遊戲室陪同小朋友，影吓相或喺用餐區傾計，用餐。
每張枱上都有小盆栽及顏色筆擺設。
連票都好可愛。
飲品可以選擇果汁。
英式早餐茶同伯爵茶係免費，茶壺套裝好別緻，茶壺同茶杯可以合二為一，而職員亦十分貼心，加水時見太淡會主動換茶包。
馬卡龍配芝麻醬，兩個味好夾， 芝麻醬中和到馬卡龍嘅甜，好味。
呢個甜品甜品食得又睇得，除咗盛載嘅器皿勁得意之外，個甜品連我小朋友咁嘴都成杯食晒，上面有塊好好味嘅薄脆，下面係有蛋香味嘅幼滑忌廉，再加上唔同嘅餅乾碎，口感豐富。
牛油曲奇，都唔錯。
三文治，口味清新。
藜麥意大利飯，第一次食唔係用忌廉煮嘅意大飯，無咁漏，輕盈啲，飯裏面有少少火腿，上面有脆口嘅魚皮同多士粒，細細碗，好啱小朋友份量。
最後係水果茶一杯同埋一件士多啤梨蛋糕。
水果茶有兩款水果，我只食到其中一款係洋梨，另外仲有兩粒唔同口感，茶係偏少少甜，但加每粒唔同味唔同口感嘅配搭，好特別，呢個係我哋研究最耐嘅一樣食物。
士多啤梨蛋糕嘅蛋糕鬆軟，似戚風蛋糕口感。
如果小朋友鐘意靜態，場內職員亦會派發印有Fatina嘅圖畫比小朋友填顏色，亦可以喺小朋友玩嘅時候打發時間，好似我嘅傑作咁。
另外餐廳亦有提供個人及親子工作坊服務，收費會按製作唔同嘅精品收費。
張貼
