民泰四七 (已結業)

Lunchtime 落大雨，唔想食外賣，都係照衝出去。呢間雖然話係西班牙餐廳，但其實menu所見都係All Day Breakfast、意粉之類。左諗右諗，見到人地嗌份三文治配炸蕃薯條好似幾吸引，就試下啦~Set lunch 包餐湯，係辣辣地嘅雜菜湯，唔夠濃。三文治好大份，個包外脆內軟有牛油香，生菜蕃茄夠新鮮，煙肉甜甜地，醬嘅份量都啱啱好。Side dish 有蛋沙律，自己逐少加落份三文治度一齊食，唔怕跌出黎，味道都好好呀！蕃薯條嘅份量都好多，唔算油膩wor! 整體上無論食物同價錢都唔錯，可以encore！