甜姨姨私房甜品 (清風街)

營業中

休息中

星期六，暑氣漸散，與有種先生等人一齊到天后食晚飯。飯後，各人有各自嘅活動，筆者與太座則步行歸家。但未踏出清風街，就已經嚷著要食糖水，見對面街嘅「甜姨姨」門外聚眾不少，激發好奇心，由探頭一看至入內坐下，幸運地前後唔駛五分鐘。地方淺窄，擠得滿滿的，令人食完就想走，從某方面嚟講算是成功的，起碼唔驚客人食完賴著不走。只是簡單的點了芒果豆腐花及芝麻糊。前者用了熟透嘅芒果，很甜美，但蓋過了豆腐花嘅清香(亦可能係豆腐花本身唔香)。入口也算滑溜的；芝麻糊很濃杰，唔似用粉開成，相信是磨製而成，很可惜芝麻一點也不香，只有芝麻味，是美中不足嘅地方。平均消費十八蚊，普普通通，一試無妨。如要等的話，可以省下時間。