更多
2022-11-24
933 瀏覽
本來前幾日出去食左幾餐飯,都有唔錯嘅體驗,慢慢對出街食飯有返啲信心但今日食左呢一餐,直接將我係人間打落左落18層地獄首先 一入到去無人, 已經驚驚地,再加埋黐笠笠地下, 油油地嘅枱, 已經有啲心想 不妙,想退場朋友話 一場嚟到, 硬埋頭皮食埋去啦😓見到有個一人餐$178有齊我想試嘅糯米飯,朋友想試嘅蛇羮, 比散叫好似抵啲所以就叫左份嚟試P.S. 女店員差啲assume我哋一人要一份,所以要同店員好好溝通,只係要一份唔洗好耐,碗糯米飯同蛇羮一齊上左一嚟就見到糯米飯有條成把間尺📏(15cm)咁長嘅頭髮即刻抆左出嚟,同個女店員講,佢過嚟望左望話唔好意思就走左去啦,完全無意思同我哋換過碗,不過朋友話算,咁無計啦以下係抆左條頭髮後影一碗仔嘅糯米飯,真係一人份量同佢張圖片所示,有幾大出入,大家自己評論蔥花無,蝦米一條,潤腸臘腸各3片,淋左嘅花生有數粒個糯米飯一啲都唔熱,只係微微暖,同個男店員講佢話係咁個喎,一早整定放係度保暖然係話最多幫你拎去叮一叮叮完返嚟,都唔係好熱算,都要食嫁啦,再講都係無補於事嫁啦首先,糯米飯唔煙韌,睇相都見都到糊糊地,有啲太濕,黏埋一舊舊好似幾油潤,但其實係肥膩,因為油潤唔
但今日食左呢一餐,直接將我係人間打落左落18層地獄
首先 一入到去無人, 已經驚驚地,再加埋黐笠笠地下,
油油地嘅枱, 已經有啲心想 不妙,想退場
朋友話 一場嚟到, 硬埋頭皮食埋去啦😓
見到有個一人餐$178
有齊我想試嘅糯米飯,朋友想試嘅蛇羮, 比散叫好似抵啲
所以就叫左份嚟試
P.S. 女店員差啲assume我哋一人要一份,所以要同店員好好溝通,只係要一份
唔洗好耐,碗糯米飯同蛇羮一齊上左
一嚟就見到糯米飯有條成把間尺📏(15cm)咁長嘅頭髮
即刻抆左出嚟,同個女店員講,佢過嚟望左望話唔好意思
就走左去啦,完全無意思同我哋換過碗,不過朋友話算,咁無計啦
以下係抆左條頭髮後影
一碗仔嘅糯米飯,真係一人份量
同佢張圖片所示,有幾大出入,大家自己評論
蔥花無,蝦米一條,潤腸臘腸各3片,淋左嘅花生有數粒
個糯米飯一啲都唔熱,只係微微暖,同個男店員講
佢話係咁個喎,一早整定放係度保暖
然係話最多幫你拎去叮一叮
叮完返嚟,都唔係好熱
算,都要食嫁啦,再講都係無補於事嫁啦
首先,糯米飯唔煙韌,睇相都見都到糊糊地,有啲太濕,黏埋一舊舊
好似幾油潤,但其實係肥膩,因為油潤唔係嚟至雙腸,
食唔到臘味嘅味道有滲入個飯度,似係落左好多油去整個飯
蝦米臘腸膶腸都好少, 其實除開都要$89 一碗, 呢個份量會唔會有啲過唔去?
連面個粒花生都無啲誠意,其實要整得好少少都應該唔難整啦?
唔脆都算啦,仲要淋左同有陣up味
再評朋友期待嘅蛇羮
$178
7 瀏覽
0 讚好
0 留言
好多薄脆,係脆, 但已放係蛇羮上面係咩玩法,
唔係應該分開上,客人自己放,要幾淋要幾脆自己控制?
客人唔想要咁多又得唔得呢??定係係我個人問題??
飲左啖湯,雖然無之前啲評語咁講好稀,
但都唔好得去邊,因為佢只係變左碗有鹹味,仲要好鹹,
無蛇味,得少少少少微弱藥材味,香茅味就比較重嘅生粉湯
(請你要專心一致,心無雜念,你就會飲到藥材味)
蛇肉無嘜都係預期內,但都唔洗少到得一條
然後用一堆肉絲推砌
其實都係個句,嘢食貴少少唔緊要,但希望你個出品對得起個價
但呢間店絕對唔係,絕對同意其他食評講求其街邊糯米飯都同佢不相伯仲
唐記個碗仲好味過佢唐記賣緊$27
唔怕試伏嘅可以一戰,可能係我唔識食姐
題外話/補充資料:
食完唔滿足嘅,行落少少去翻新左嘅 中環街市,會搵返人生嘅樂趣
(以上食評乃用戶個人意見 , 並不代表OpenRice之觀點。)
張貼