三分俗氣 (已結業)

喺facebook見到呢間喺新蒲崗嘅餐廳講到啲小籠包好好食..今日去到新蒲崗就諗住試吓...果然真係冇講錯...好正宗嘅小籠包...同上海嘅佳家湯包有八成似...咬開入邊就見到有蟹肉..入面啲汁就會流出黎...見到好多蟹肉同埋蟹膏好鮮味...即刻覺得$15好抵食!!!佢塊皮仲好薄唔會好似其他餐廳講啲皮勁厚等個小籠包唔會咁容易爆...一籠$60有四隻！都算幾抵食！除咗呢樣第二樣要介紹就係蟹粉賽螃蟹...鍾意蟹膏同蟹肉嘅朋友去到呢度一定要食小籠包同埋呢樣...佢雖然係$158一碟..但係你會覺得物超所值因為佢有好多蟹肉同埋蟹膏...攞呢碟送來撈飯係非常之咁好食...唔需要叫其他餸淨係有呢碟餸你已經可以撈一碗飯食！食完呢兩樣我已經有啲飽但係我叫咗個俗氣擔擔麵所以我都有食埋佢...碗麵都算係一碗正正常常嘅面算幾好食啲面都彈牙...但係如果得兩個人嘅話可以考慮叫個鍋貼或者生煎包就唔使再叫多碗面...等我下次再嚟試埋佢隻片皮鴨😌😌😌😌