本場

營業中

休息中

冬天最適合就係打邊爐同燒肉啦，最近就去左新開既日式燒肉店【本場】試下任食燒肉。我地就食左極上牛小排海鮮放題、成人星期一至四晚市$378、食足2個鐘，肉、海鮮、蔬菜連熟食甜品等都有成139種選擇。 一坐低就有一個主打拼盤上、放得靚靚之餘，仲立刻有得燒、完全唔浪費時間。落單用QR code而且有1.5小時落單時間（食就2小時）。拼盤入面既肉個人覺得最好食係封門柳同牛頸脊、另外網燒一口牛個人都非常鍾意。另外帶子都好鮮甜。個人建議食原味再落鹽或者點燒汁，因爲個人覺得腌左既會偏咸、會蓋過食材本身既味道。另外蔬菜都幾好食、個人推薦牛油粟米、牛油本菇同牛油金菇。 甜品如果都想燒的話都有鯛魚燒（紅豆餡）同大判燒（吉士餡），燒完外脆内軟、爆曬餡。另外仲叫左麻薯同泡芙都唔錯。最後仲有雪糕收尾。 個人覺得整體都不錯，肉都高質、如果7點前離座或者9點後入座仲有78折。