玉桃軒酒家 (鱷魚恤中心)

營業中

休息中

媽媽一直想食龍蝦伊麵，終於有機會啦～加上做左成日野兩個星期無放過假，夜晚要食返餐好先得😂。酒樓黎講呢間好乾淨整潔，加上裝潢華麗，可以舒適食餐好。🍝波士頓龍蝦 $238 (上湯伊麵底+$48)煮熟後蝦色澤鮮紅，賣相十分吸引。龍蝦身形雖小，但蟹鉗夠大，味道鮮甜，肉質尚算滑嫩。重點係個伊麵底吸收哂龍蝦同上湯既精華，每一條都沾滿上湯汁，麵與汁愛恨纏綿，好食🤤。🐔脆皮蒜香雞 $128半隻份量兩個人食唔算少，雞燒得好香，充滿蒜香味，雞皮又薄又脆，肉質剛好，唔算滑但絕不鞋口，調味剛好，唔洗沾醬都夠味。醬汁佈滿蒜粒，食落充滿蒜味，可惜略甜但卻十分惹味。