緣來素食 (已結業)

今日同兩個朋友唔知食乜好,行過見到有素食鋪,見佢門口咁靚,所以入去一試....入到店內地方唔算大有三張圓桌及幾張二人桌!我地叫左: 1)羊肉串~~~羊肉串簡直同真既沙嗲串燒無分別!勁好味! 2)北京片皮鴨~~~片皮鴨跟青瓜再加好似曼頭既包夾在一齊好好食!店員好親切同我講尼D唔係叫曼頭係叫掛包...掛包,好鬆軟好好味...比起平時D片皮鴨D薄片好食好多...正 3)蕃茄炸豬扒烏冬~~~蕃茄味好濃....最勁係塊豬扒做到好真,味道同真豬扒一樣,不旦味道似連肉質都好似...勁... 同朋友食完尼三款菜色,真係懷疑係唔係齋黎嫁....真係同食肉無分別,唔怪得宜家咁多人轉食齋喇~~~環境好靚好舒適,食物賣相好吸引,味道同真既肉無分別,值得再去試其他食物。