蝦蝦燒

營業中

休息中

放工去咗佐敦蝦蝦燒任食2.5小時游水蝦蝦燒任飲任食2.5小時一入座店員已經準備咗啲鹽燒既蝦比我哋。燒咗一陣已經有得食啦！呢啲蝦已經剪哂啲鬚非常好，蝦肉新鮮爽口有啲鹽味送啤酒一流🍻蝦頭仲有好多膏tim 😍唔係講笑啲膏好似蛋黃咁大粒😋超級正👍好彩我攞定兩支啤酒🍻飲除咗鹽燒蝦每位仲會有一串肥美燒鱔。燒到外脆肉厚食落真心好正😍食完又要開工啦！睇吓啲蝦幾生猛，不過好快會落咗我個肚裏面🤣除咗蝦出面仲有好多海鮮比我哋任攞！我哋攞咗條魚、鮑魚同魷魚燒。扇貝、大蜆、帶子好新鮮第二轉出去攞嘢食竟然連蟹都有，真係變咗食海鮮大餐😍其實出面仲有好多款式既串燒，但我哋食哂啲海鮮都好飽lu🤣