不論係湯、前菜、主食同甜品都有好多款式選擇，就連白飯都可以揀唔同配料，可以配搭出你最想要嘅日式和風輕食。
店面係木系簡約風，坐得好舒服，次次諗唔到食咩都會去呢度食。期間限定嘅款式仲成日轉，今次就試咗期間限定嘅居酒屋風雞鎚蒟蒻甜辛煮同西蘭花呑拿玉子沙律。
平時好少食到西蘭花做嘅沙律，加埋呑拿魚同玉子配搭都幾新鮮。
雞鎚同蒟蒻都煮得好入味，雖然叫甜辛煮但都唔係好食到辣味，甜甜地好好餸飯。
喺呢度食嘢最緊要係個湯，之前試過幾款都好啱飲，今次呢個日本帆立貝大根豆乳濃湯都唔例外，豆味夠濃，又有少少帆立貝同蘿蔔嘅甜味。
最後加埋個日本白桃意式奶凍做甜品，好滿足
