名潮食館 (已結業)

自從二人限聚令生效後，都好少去飲茶咯！這天茶癮大發，和愛人行開K11 Musea，都比我發現了原來高級酒樓都有做二人份點心，一籠兩粒蝦餃、一碟兩件韭菜棵，咁就啱晒2人去歎！梅菜燒腩包有BB你拳頭咁大，上面印有名潮招牌，好可愛！咬開，啖啖梅菜香，腩肉多汁，係絕配，是必食之選。潮式韭菜棵韭菜和蔥粒充滿潮州棵，封煎過脆皮，造成外脆內嫩，一啖咬下好滿足。炸兩腸將地道美食提升到高貴層次，炸過的瑤柱粒我最鐘意。家鄉煎餅薄餅的精萃在於夠薄，媽媽的溫暖手藝返晒嚟。名潮鮮蝦餃蝦餃大而鮮，蝦肉彈牙，餃皮軟糯，好此道者不會失望。和風蝦春卷 細心剪開4件，點上喼汁，春卷仍然脆口，食真D，原來仲有少少芥末饀，不過唔算好濃，怕辣者都啱食。芝麻卷兒時回憶「菲林卷」，上面有一抹金漆，賣相加晒分，芝麻味亦有香滑甜。鴛鴦水晶包分別用紅豆和蓮蓉做餡，甜點來說，是不錯選擇。黃菊少有提供這道茶飲選擇，揭開原來非常足料，沖出來卻不苦澀、啱啱好。功夫茶臨行前必飲，濃濃的、苦苦地，愛人就怕怕，我就好喜歡。