鴻星中菜 (瑞安中心) (已結業)

今日在這裡請client食飯，其實都來過好多次，是關呢度食物唔差，場面亦見得人，係個地點吊腳左少少。總係覺得呢度的點心同東海有D相似，真係唔知邊個抄邊個定有任何原因。叫左一般大路點心，燒腩炸豆腐雙併，魚湯米線同滑蛋蝦仁炒河。點心一貫有水準；燒腩皮脆肉嫩，與炸得香脆的豆腐都好食；魚湯米線以前就少見，但而家已經周街有得食，這裡的亦不俗；蝦仁炒河有大大隻蝦仁，略嫌個茨汁杰左些少。甜品例牌有得送，今日是芒果布甸。埋單四佰幾唔算便宜，但總的來說是物有所值的。