一寶中日高級海鮮火鍋 (已結業)

上星期日要去尖沙咀攪D嘢，正當行經The One附近收到 "一寶中日高級海鮮火鍋" 宣傳單，寫上大中細點一律$18於下午茶時段，於是即刻上5樓試下先。當日叫咗5碟點心，當然全部係大中細點之內，一於食平嘢。首先講下叫咗碟牛肉腸粉，嘩一見到碟嘢，我個反應即刻話 "嘩!乜咁好嘅，有2條蘆筍"，D腸粉個皮好薄，好透明，又滑又好食，牛肉算多，唔錯。另一推介，就係呢碟名叫"真係菠蘿飽"，的確真係有菠蘿係入面，有又叉燒，真料做到皮薄涵靚，諗起都想食。整體來說，叫咗呢5碟點心，都不過失，而且亦勝在夠熱，尤其是"菜苗鮮蝦餃"，一來賣相不錯，二來個皮又好薄，三來又好足料，四來又夠熱，總之正呀!我當日差不多3時去食，食咗1個鐘多D。不過最驚喜係，臨埋單前竟然有紅豆沙甜品送，好香陳皮味，太滿足喇!