必食亮點：
脆到有聲嘅黃金外皮 – 即叫即炸，上枱仲聽到「滋滋」聲，脆粉超薄唔油膩，咬落「咔嚓」一聲超治癒！
魔鬼細節醋汁 – 唔係求其醋+糖，聞到攻鼻醋香，食落帶焦糖回甘，撈飯直頭係邪惡級別！
份量夠晒霸氣 – 成碟鋪滿6-7件大排骨，男仔食都飽肚，有呢個質素真心抵到爛。
配角都唔馬虎：
客飯跟嘅例湯絕非洗鍋水！試過眉豆雞腳湯足料到有半碗渣，仲有碟爽脆椰菜解膩，成個set完美配搭。
轉雪菜肉絲炒年糕做底 – 煙韌年糕索晒黑醋汁，食落double滿足！
呢碟黑醋骨係香港少見嘅「有靈魂碟頭飯」，食過其他茶記都會覺得輸幾條街！大角嘴街坊由學生哥食到帶仔女翻嚟，味道三十年如一日。如果你未試過，聽日lunch直接衝啦！（記得帶現金，唔收電子支付㗎！）
