丸·茶手作 (已結業)

本來想去i square 對面個間奶茶鋪試下佢個黑糖珍珠奶茶，但係一見到條人龍我就唔想排了。所以我就搵下附近有咩台式飲品鋪，openrice 見到呢間又近近地。我叫左個鐵觀音奶茶加黑糖珍珠。首先講咗個奶茶先，奶茶味道不過不失，因為佢個鐵觀音唔係特別出色。但都有基本鐵觀音奶茶嘅味道。至於個黑糖珍珠就令我失望。可能我成日睇到啲相，見到啲珍珠會有啲黑糖漿咁好靚。但今次呢一個同普通珍珠奶茶嘅珍珠冇乜分別。我嘅感覺係飲緊一杯普通嘅珍珠鐵觀音奶茶。