沐白小農 (已結業)

假期喺元朗行街之際，發現又一台灣過江龍黎左香港開分店，幫襯嗰時佢仲未正式開業，只係試業緊，但鋪頭已經有好多人幫襯，所以我又排埋一份。#黑糖波霸鮮奶 沐白係用上鮮牛奶，同奶精真係完全兩回事！佢哋嘅黑糖珍珠都做得幾唔錯，每粒珍珠都有淡淡的黑糖味，撈上鮮奶又唔會太甜。珍珠嘅軟硬度啱啱好，唔會太軟亦都唔會太韌，有時都幾怕太韌會咬到好攰。而家周街都好易搵到珍珠奶茶嘅蹤影，但要搵到一間質素高，啱口味嘅真係唔容易，呢間真係幾啱我口味，可以再戰！