皇室冰廳

營業中

休息中

近年以蕃茄濃湯為賣點嘅小店愈開愈多，我都試過唔少，質素當然有優劣高下之分。皇室冰廳嘅蕃茄濃湯每日以新鮮蕃茄製作，我叫咗個全日餐，包括鮮味蕃茄粒粒餐肉通粉，黑松露炒蛋同多士。主角蕃茄湯通粉用咗坑紋通粉，呢度有分加；蕃茄切細粒，份量好多，相對午餐肉粒就比較少；至於個湯底感覺較清新，雖然加咗肉桂葉，有誠意，但係蕃茄味比想像中薄弱。反而個炒蛋同多士有驚喜，炒蛋嫩滑有蛋汁有蛋味，黑松露醬都算多，配炒蛋食，好正🤤；至於塊多士係我最鍾意嘅厚多士，烘得微脆，充滿牛油香，唔錯。