Mamaday (已結業)

本人真係好鍾意麻麻地呢間餐廳，噚日去完，今日中午又約朋友去食午餐，而今日就來銅鑼灣呢間分店，呢間的裝潢更是別有一番風味，因為呢度有個落地玻璃景，可以望到出面的景色架。來親呢度點都要點個比薩，因為呢度整的比薩真係好正，皮脆餡多，今日就選了個「又係黑松露比薩...好悶啊」，個名真係好特別，一聽就知黑松露比薩，黑松露的味道十分濃郁，真係好喜歡。第二個就係避風塘style肥牛蛋包飯，這個口味實在太正了，我好喜歡這個蛋包飯的蛋夠滑夠水，撈埋肥牛加避風塘味夠香夠滑，絕對唔會干真真，口感味道剛剛好，正到爆啊。最後來多客甜品，就係心太軟，而且係新鮮出爐的心太軟，超正，裡面的流心係超香濃的朱古力，而且配豆腐味的雪糕，太正宗太美味了，連朋友都話，$48的心太軟，真係無咩邊度可以食到，好抵，而味道仲要咁正宗，絕對係良心餐廳的。