皇茶 (已結業)

近排香港天氣都奇奇怪怪，是日肚腩男與友人經過廣華街，又忽然傾盆大雨，咁岩見到呢間珍珠奶茶店但係又標榜自己係酒館，見佢新奇刺激就一於入去比一避雨飲番杯。通常珍珠奶茶都係買完之後要企喺條街飲，此小店竟然地方細細都放左十個八個座位，仲有bar枱位坐，下午四點都九成滿，唔知啲人係咪避雨，但直覺話俾我知呢間鋪頭應該係賣人情味。果然冇估錯，一名員工非常熱情推介飲品，最吸引到我目光嘅係佢cocktail Menu用唔同中國茶底去做cocktail係特別既，我哋最終經店員推薦試咗佢嘅招牌雲石火龍同埋酒香果究竟係乜家伙？原來雲石火龍係用茶底再加時興既奶蓋，配上紅火龍果，基酒係用上rum酒。賣相巳經可加分，飲落口感豐富，有香濃既奶蓋系面，加上新鮮火龍果酒，係有驚喜既！友人點既百香酒，顧名思義係用百香果調製而成，而佢嘅基酒係用上Bombay，用料充足啖啖果溶！飲落清新唯驚喜感不及火龍果個杯。有趣既係此店員工異常有善同健談，小店雖小但做到同客人互動，傾耐左原來相中人亦即是老闆，本身亦係一個專業攝影師！作品也放於店內成為藝術裝置。總結小店用心制作，因為此乃老闆嘅夢想，今時今日既香港就係需要有熱誠既鋪頭去真心真意