尚八日式燒肉店

今日同同事去旺角做野，午餐揀咗間燒肉半放題，餐廳除左有燒肉半放題餐之外，仲有午巿定食，仲好抵，48起；而且我見到餐廳做緊會員promote，可以免費入會，成為會員仲可以有$1500 電子coupon，午市放題又可以享九折及生日禮遇，所以我哋都join咗。


我哋選左午巿和牛半放題餐，以及追加帆立貝及牛舌芯；另外，和牛太好食，我哋仲另外叫左日本A5和牛西冷涮涮燒及三角燒肉片。

午巿和牛半放題
和牛半放題包括咗日本A5和牛三角、日本A5和牛肋肉、鹽燒厚切雪花牛舌芯各3塊及兩隻虎蝦，而放題方面有前菜、炸物、飯、麵及海鮮等等40款嘢食，非常之豐富。日本A5和牛三角尤其好食，脂肪分布均勻，充滿油脂香，及雪花牛舌芯，質感非常之好，爽口彈牙，正！

另外，我哋喺自助區攞咗啲蔬菜及前菜等，都非常新鮮，以及，追加咗帆立貝及牛舌，帆立貝非常之大粒鮮味，牛舌爽口唔韌，不錯。熟食食物方面我哋點咗和風紫菜飯，配燒肉一流，清酒煮蜆、炸蠔等，整體都不錯。

日本A5和牛西冷涮涮燒
薄薄一片西冷，燒一下配上日本蛋，入口順滑，油脂及牛味濃，非常美味！