地道館車仔麵

營業中

休息中

未食晏，一個人坐車經過愛民村，落車睇下有咩食，記得 search 過有間新開車仔麵就走去試下。疫情其間做足安全措施，量體溫，坐位間距1.5M。其實間舖本身坐位都寬闊，見有 BB車入都好輕鬆進入同入座。講返食物，車仔麵餸夠入味，湯底偏甜，有D似永年個湯底咁。但麵底就好足料，差D食唔晒，唔同永年果D食完唔飽。😬 我叫左小辣，其實真係都幾辣，下次要再叫小小辣會好D。豬紅夠入味，唔似一般好流既車仔麵店係咁易淥下就算。雞亦都一咬即甩骨，尤魚都好爽口。整體感覺幾好，會多D來幫襯。