32
14
6
等級2
28
1
由細住黃大仙住到大,自問都食勻成個黃大仙咁滯,但早前有人宣傳呢間舖頭之後先發現原來一直都無食過呢間真香港人小店,愧對美食呀。有一晚黎食,店內已經有好多人,老闆話做唔切添,而且好多野都好早賣晒,食到無幾耐未到關門時間已經要截人。試唔到出名嘅墨魚鬚銀針粉(熟客朋友稱為墨鬚針)加紫菜,只好先試墨魚鬚配魚三味米粉加紫菜,不過廚房太忙嘅關係唔記得咗落紫菜,紫菜變咗另上,賺咗。講返碗粉米粉唔會有間中係其他粉麵舖有時食到嘅"行"味。而魚三味即係魚蛋,魚片頭,同魚皮餃,魚蛋爽口彈牙唔洗多講,魚片頭嘅魚肉鬆化,唔係重麵粉嘅沾口下價貨質素,而魚皮餃有驚喜,唔係平時係街市買到嘅貨色,真係食得出係有魚味嘅皮黎,咬落係有魚膠嘅質感。唔好唔記得呢度嘅重點墨魚鬚,真心爽口,同埋夠新鮮所以亦食得出墨魚香味,唔係煮過頭嘅橡膠可比。紫菜湯都係另外煮嘅,好在分開上咗,如果唔係就分唔出咩味道。整體好似好平凡普通嘅魚蛋粉其實用料非常唔錯,值得食。另一樣呢度出名係辣椒醬,唔係平時啲潮洲粉麵店咁放出黎任落嘅,佢地係俾個小碟,初初仲諗住咁孤寒嘅,但原來呢碟辣椒醬真係幾辣,而且好香,俾個like,如果落太多就反蓋過咗碗粉嘅好味。另一次
更多
由細住黃大仙住到大,自問都食勻成個黃大仙咁滯,但早前有人宣傳呢間舖頭之後先發現原來一直都無食過呢間真香港人小店,愧對美食呀。
有一晚黎食,店內已經有好多人,老闆話做唔切添,而且好多野都好早賣晒,食到無幾耐未到關門時間已經要截人。
14 瀏覽
0 讚好
0 留言

試唔到出名嘅墨魚鬚銀針粉(熟客朋友稱為墨鬚針)加紫菜,只好先試墨魚鬚配魚三味米粉加紫菜,不過廚房太忙嘅關係唔記得咗落紫菜,紫菜變咗另上,賺咗。
魚三味墨魚鬚米粉
$33
15 瀏覽
0 讚好
0 留言
17 瀏覽
0 讚好
0 留言

講返碗粉
米粉唔會有間中係其他粉麵舖有時食到嘅"行"味。
而魚三味即係魚蛋,魚片頭,同魚皮餃,魚蛋爽口彈牙唔洗多講,魚片頭嘅魚肉鬆化,唔係重麵粉嘅沾口下價貨質素,而魚皮餃有驚喜,唔係平時係街市買到嘅貨色,真係食得出係有魚味嘅皮黎,咬落係有魚膠嘅質感。
唔好唔記得呢度嘅重點墨魚鬚,真心爽口,同埋夠新鮮所以亦食得出墨魚香味,唔係煮過頭嘅橡膠可比。
紫菜湯都係另外煮嘅,好在分開上咗,如果唔係就分唔出咩味道。
整體好似好平凡普通嘅魚蛋粉其實用料非常唔錯,值得食。

另一樣呢度出名係辣椒醬,唔係平時啲潮洲粉麵店咁放出黎任落嘅,佢地係俾個小碟,初初仲諗住咁孤寒嘅,但原來呢碟辣椒醬真係幾辣,而且好香,俾個like,如果落太多就反蓋過咗碗粉嘅好味。
辣椒醬
9 瀏覽
0 讚好
0 留言


另一次晏晝黎終於食到墨鬚針,都係食魚三味墨鬚針加紫菜,銀針粉加蔥同冬菜嘅味道就好似細個食嘅味道咁,雖然唔識粉銀針粉點為之靚,不過個味道就肯定係舊香港嘅好味黎。
魚三味墨魚鬚銀針粉加紫菜
$42
18 瀏覽
0 讚好
0 留言


仲要提一提嘅,朋友話佢地好多年都keep 住差唔多嘅價,29蚊食碗有質素嘅潮洲粉麵都幾抵,加到我咁多樣野都只係42蚊,比起出面好多舖頭己經算平。
58 瀏覽
0 讚好
0 留言
28 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2019-11-08
用餐途徑
堂食
人均消費
$42
推介美食
魚三味墨魚鬚米粉
$ 33
辣椒醬
魚三味墨魚鬚銀針粉加紫菜
$ 42
  • 墨鬚針