拉麵台風

營業中

休息中

每次嚟到都見到條人龍排到打晒蛇餅，好多時候都等唔到，早幾日同朋友6點到餐廳門口，前面都有6個人排緊隊，我都等咗20分鐘就有得入。排緊隊果時店員會俾張紙你，一邊排一邊諗下食咩。魚介豬骨湯$78，豬骨味好濃厚而且入口唔會感覺太咸，最鍾意係拉麵麵質，粗身每到啖咬落去都有彈牙感覺。叉燒有兩塊唔係薄切，但略嫌有啲鞋口比較瘦但都有肉味。糖心蛋都好正。荀既份量都唔少架。呢到麵既份量好明顯比出面其他拉麵店多好多，所以唔洗加麵都夠飽。性價比高，大排長龍真係有原因。