十兄弟車仔麵 (已結業)

灣仔出左名多野食，價錢親民又好食，唔少特色野食都可以喺度搵到，滿足你口腹之欲😋。早排見呢間車仔麵檔，價錢平，用料豐富🥘，特別抵食，正想過嚟刷餐飽。車仔麵出名多配料，呢間餐廳更多達50種餸菜俾你選擇，如果覺得多到揀唔落手嘅，餐廳仲好貼心咁，preset左六種組合麵比你揀，唔使諗咁多呀🤭🤭呢度有食神同款嗱喳麵，但佢一啲都唔嗱喳，齋睇落已經好有食慾，蘿蔔🥕冇渣好甜，魷魚彈牙，豬紅牛丸有咬口。中意食牛嘅可以試下牛四寶麵🍝，佢有4款牛肉🥩：金錢肚、牛坑腩、牛孖筋，同埋牛丸，款款都煮得入味，牛坑腩同牛孖筋一咬就爛，中意食肉嘅必點。佢啲小食都唔錯，雞中翼一份三隻，煮得軟爛，滷得入味，香辣玻璃魷魚🦑爽口彈牙，小辣，但愈食愈過癮，仲要大大碟，抵食。