麵屋一平安 (已結業)

下晝去完禾輋試左個「十勝庵」... 真係有d失望~而且又有d肚餓，所以早早地就去左美麗華食晚飯~麵屋一平安係美麗華其中一間少數做左咁多年都係咁受歡迎既居酒屋，好味得黎又無樓上4/F 元氣一杯咁貴喎。叫左一份泠豆腐配山芋、滑蛋豬扒丼同埋一客腩肉拉麵拉麵同丼大家都食得多都唔駛講咩味道、口感啦~反而想分享一下就係山芋，呢個菜好特別~佢地切到好似青瓜絲咁樣。不過一夾起黎食既時候會見到一d透明既液體狀一絲絲咁拉起左，食落口滑滑地又好爽口。上網一查，原來係健康食品，營養價值好高...有減肥、健美、通便排毒既功效~去麵屋一平安食飯甚少甩拖~唔想煩諗食咩~就係呢間