嚐 (已結業)

第一次食， 環境都算大，人流唔算多， 味道都幾好食，選擇都幾豐富，飲品都非常台式正宗，環境裝修都精緻。 下午茶時段可以由兩點坐到五點幾，都沒有人阻，但店員自己都好唔得閒。點了下午茶的喇沙鹽酥雙丸甜不辣米線， 炸物點都好食，甜不辣成塊都幾好咬， 不過沒有太多鹽酥的感覺。 反而喇沙湯的湯底很吸引，米線的幼細也盡吸湯底。另外加了鹽酥單骨雞翼， 非常好吃， 真的有非常鹽酥的質感，值得一試。門口有青依地區報，都是有心的食肆。