金記冰室 (八號花園) (已結業)

近來真係愈來愈多連鎖式冰室，今日同好姊妹去食飯，佢就話有間叫金記冰室，啲炒飯炒得幾好食，咁啱有間喺附近，當然要去試一試佢啦。夜晚其實都幾full，好彩排咗幾分鐘就有位，一向鍾意食鹹魚嘅我，梗係揀鹹魚雞粒炒飯試試，$56 正常價錢，凍飲仲有半價優惠，都幾抵喎。咸魚雞粒炒飯 $56個飯吵得幾乾身，粒粒都包住蛋漿， 金黃色，非常唔錯。配料份量都好足，鹹魚大大粒夠晒味，比較值得欣賞嘅係佢嘅雞係去皮嘅，仲炒香過，唔會有雪味，鹹度適中，係我食過嘅鹹魚雞粒炒飯中，可以列入三甲之位。睇來以後我有多咗個好地方食飯啊。