鵝潮館 (已結業)

隆亨街市裝修後企理咗好多，乾淨又光猛。鵝潮館店鋪細細，但野食極多，你講得岀既滷水餸都有齊㗎。家母話夜晚懶得煮，決定整個滷水拼盤返去食😛。 滷水拼盤超大盒，我地最後食咗兩日。

滷水拼盤

滷水拼盤

用料非常豐富，有滷水鵝翼、鵝腎、膶、大腸、豆腐等等，仲有疑似魚蛋嘅東東，又幾好食。一打開個盒已經傳黎陣陣滷香味，每樣料嘅賣相都非常靚仔， 充滿光澤。呢度嘅滷水汁有花椒同八角香味，唔會好鹹，偏甜，送飯一流。 鵝肉好入味 好香，師傅刀工亦頂呱呱，啲料厚薄一致，食落肉質軟腍！豬耳仔同鵝腎最好食，好爽脆呀！