東京食堂 (已結業)

估唔到尖沙咀柯士甸道有一間好隱世的日式燒鰻魚飯的小店，今日朋友帶我過黎食午餐試下。見到有個大廈入口的巷仔，上面有塊店名的牌，先知係入面。睇黎餐廳老板都係迷你兵的粉絲，門口有隻迷你兵的公仔模型，塊牌又晝咗迷你兵圖案。門口望入去比較簡單，座位都係得四五張，廚房係出面，好彩入面有開冷氣的，涼涼地。蒲燒鰻魚飯定食，半份，$88,有加珍珠米飯，味噌湯。蒲燒鰻魚，好欣賞個醬汁，香甜濃味，鰻魚肉質淋身，入口即溶，新鮮鮮甜，外皮燒得好香口，燒得剛熟，無燶，香味四溢，是誠意之作。柚子梳打，$24,天氣咁熱，叫咗杯凍柚子梳打，柚子醬好鮮甜，帶出清新的感覺。