更多
2017-07-10
671 瀏覽
鰂魚涌平日返工想食晏 ? 一到Lunch時間度度都排晒長龍，想搵間餐廳舒舒服服咁食個晏都咪話唔難。又唔想同人迫又想食好野? 今次就俾我搵到一間諗起都留口水的四川外賣餐廳，想Lunch時間食餐好的川菜就真係要黎試下啦。首先食個大大碗羊肉面，真係"面"如其名，夠晒大碗，女仕們細食D都可能食唔晒。羊肉有小許的膻味，唔似出面食的羊肉冇晒味道，份量亦夠多，好味又抵食。大大碗面就拎返公司食都唔會太淋，正。另外湯底亦加有四川香料的味道，食完真係又飽又暖。喜歡辣一點唔知可唔可以加辣呢?食川菜又點少得食水煮牛。大大塊的牛肉，又滑又辣，愈食愈流汗，愈流又愈想食。水煮牛份量夠大，最岩一班同事一齊食。牛肉下面的芽菜，吸收晒辣湯的精華，食得麻辣的人真係一定要食啦，再講多次，真係好好食，唔好唔知呀。而家諗起都想再食呀。食完水煮牛，個口仲麻緊的時候，再加多個口水雞真係汗都滴多幾下。雞入口又麻又滑，面頭加上芝麻加多幾分香味。食完個口仲有麻香的味道。份量多，又係一個可以Share的好菜。因為平時都鍾意食雞翼，見到有土匪雞翼，就緊係試下啦。外面的孜然粉令人食"肉"大增， 正。雖然係外賣，但見到大廚好細心將雞翼焗完再用火槍
首先食個大大碗羊肉面，真係"面"如其名，夠晒大碗，女仕們細食D都可能食唔晒。羊肉有小許的膻味，唔似出面食的羊肉冇晒味道，份量亦夠多，好味又抵食。大大碗面就拎返公司食都唔會太淋，正。另外湯底亦加有四川香料的味道，食完真係又飽又暖。喜歡辣一點唔知可唔可以加辣呢?
食川菜又點少得食水煮牛。大大塊的牛肉，又滑又辣，愈食愈流汗，愈流又愈想食。水煮牛份量夠大，最岩一班同事一齊食。牛肉下面的芽菜，吸收晒辣湯的精華，食得麻辣的人真係一定要食啦，再講多次，真係好好食，唔好唔知呀。而家諗起都想再食呀。
食完水煮牛，個口仲麻緊的時候，再加多個口水雞真係汗都滴多幾下。雞入口又麻又滑，面頭加上芝麻加多幾分香味。食完個口仲有麻香的味道。份量多，又係一個可以Share的好菜。
因為平時都鍾意食雞翼，見到有土匪雞翼，就緊係試下啦。外面的孜然粉令人食"肉"大增， 正。
雖然係外賣，但見到大廚好細心將雞翼焗完再用火槍燒多幾下，燒到外皮趣卟卟，真係夠入味又好香口。
最後都唔夠喉的再加多幾粒勁辣的大波波魚蛋，大大粒，吸晒D麻辣汁，辣味直去喉嚨，爽呀。
另外餐廳仲有好多菜未試，好似~~麻辣盆菜~~如果住得近近地又想一大班人一齊食四川菜過下麻辣癮，真係要試下啦。今次又搵到Lunch飯堂，唔怕同人迫又可以食好野LU
張貼
