酒肉·朋友 (已結業)

呢間喺鰂魚涌嘅黃店居酒屋，日頭係賣日式定食，夜晚係賣串燒為主。我哋去過幾次都係食lunch set，喺鰂魚涌嚟講算幾抵食，食物質素都唔錯，特別推薦黑毛豬定食💛呢間小店黃到金，我哋間中都會去支持下！大家經過鰂魚涌不妨試試～.▪️西班牙黑毛豬定食 $78▪️
呢間嘅定食係包咗前菜、味噌湯、飲品，仲有白飯任裝，包你食得飽🤣 每款都有大量沙律伴碟，仲加咗芝麻沙律醬好開胃！講返主角黑毛豬，食過幾次都覺得好好食！佢係即叫即燒，啲肉好淋好香🤤，絕對唔係煮到乾晒柴嗰種，上面加咗啲燒汁都好夾～
▪️汁燒雞扒定食 $78▪️
雞扒都幾大舊，同埋全部都超滑😍，加咗黑椒同燒汁，調味啱啱好！
▪️香煎牛舌定食 $78▪️呢個就冇咁推介，牛舌唔算厚切，整體口感偏乾身，唔係肉厚多汁嗰種🤔。