九重鮮 (已結業)

來到柳暗花明又一村既大坑搵食~見到有間蒸氣海鮮店門面幾靚仔！所以就簡左呢度開餐啦！我地簡左有5層既首爾塔~前菜有芽菜，泡菜，中華沙津~都好好味！呢個首爾塔有好多鮮味既海鮮種類！蟶子，蝴蝶蚌，大花蛤，北寄貝，海蝦，鮑魚，蟹等等。。。而蔬菜方面有冬菇，蘿蔔，木瓜，南瓜，粟米等等。。每層等大約5分鐘就食得~其中覺得最欣賞係蟶子！有鮮味又有咬口，煙煙unun~所有貝殼類蒸完出黎都有d汁係個殼度~識食就梗係將d汁都唔放過~精華所在！非常鮮味~海蝦亦好有份量！蝦頭帶好香既蝦膏~好吸引！而且隻蝦好爽彈~口感一流，而個蟹亦係好正~蟹肉帶鮮甜！好新鮮冇梅梅既感覺。而個南瓜同粟米亦係甜到不得了~真係好新鮮。最後既粥底更出日月既精華！所有既海鮮蒸出黎多餘既汁滴到最底層既豬手粥~豬手本身已經好軟淋而且帶點骨膠源！仲有d韓式年糕更添咬口！再加上點點白胡椒作調味~更添美味喔。仲有叫左個期間限定既水蜜桃有氣酒，好香帶點甜~好易入口！好快就飲哂一枝喔~再叫左個芒果啤酒！亦都係好飲，輕輕既芒果味~同啤酒好配！員工既服務質數也不錯~見每層夠鐘就馬上為我們開蓋，以免令海鮮過熟而變得鞋口！呢個細心我感受到了！