影片
更多
2017-03-20
1108 瀏覽
之前朋友有介紹過尖沙咀開咗一間火鍋店味道都好出色, 所今日同男朋友來到尖沙咀試下新菜式門外已經放咗一個海鮮火鍋嘅介紹, 火焰龍蝦及火焰蟹海鮮火鍋都係＄298價錢相當吸引! 所以預先已經決定咗黎呢度試吓海鮮火鍋🤤🤤🤤因為一早預先book咗嘅關係7:30嚟到呢度人流未算十分多, 不過之後就開始慢慢多人了! 大概八點多的時間場內已經滿座, 尖沙咀餐廳來講都算幾多人😀入場冇耐已同職員講定要一個火焰龍蝦海鮮火鍋, 另外叫左幾款火鍋食材火焰龍蝦海鮮火鍋 $298 其實價錢唔算太貴因為鍋內食材相當之多, 除咗有龍蝦, 青口以及蜆之外還有大量蕃茄, 洋蔥 & 南瓜等...職員將一大鍋嘅火鍋材料放到枱上之後就會先以乾炒將龍蝦及其他材料輕輕煮熟, 放入燒酒令火鍋變成火焰山, 終於明白點解呢個海鮮火鍋煲😂😂😂 原來取之於呢個位,最後加入大量龍蝦湯底就可以開始打邊爐啦👏🏻龍蝦Size屬中等, 龍蝦鉗好大隻😍 肉質都算幾多而且肉質食落厚實, 好新鮮呀😍😍😍👍🏻 青口 & 蜆肉味道都唔錯, 好少可以喺出面食到咁鮮甜美味嘅海鮮火鍋煲, 就算食到的話價錢都唔平紐西蘭雪花肥牛＄68雪花肥牛脂肪分布均勻, 紅白間住嘅脂肪
之前朋友有介紹過尖沙咀開咗一間火鍋店味道都好出色, 所今日同男朋友來到尖沙咀試下新菜式門外已經放咗一個海鮮火鍋嘅介紹, 火焰龍蝦及火焰蟹海鮮火鍋都係＄298價錢相當吸引! 所以預先已經決定咗黎呢度試吓海鮮火鍋🤤🤤🤤
因為一早預先book咗嘅關係7:30嚟到呢度人流未算十分多, 不過之後就開始慢慢多人了! 大概八點多的時間場內已經滿座, 尖沙咀餐廳來講都算幾多人😀
入場冇耐已同職員講定要一個火焰龍蝦海鮮火鍋, 另外叫左幾款火鍋食材
火焰龍蝦海鮮火鍋 $298 其實價錢唔算太貴因為鍋內食材相當之多, 除咗有龍蝦, 青口以及蜆之外還有大量蕃茄, 洋蔥 & 南瓜等...
職員將一大鍋嘅火鍋材料放到枱上之後就會先以乾炒將龍蝦及其他材料輕輕煮熟, 放入燒酒令火鍋變成火焰山, 終於明白點解呢個海鮮火鍋煲😂😂😂 原來取之於呢個位,最後加入大量龍蝦湯底就可以開始打邊爐啦👏🏻
龍蝦Size屬中等, 龍蝦鉗好大隻😍 肉質都算幾多而且肉質食落厚實, 好新鮮呀😍😍😍👍🏻 青口 & 蜆肉味道都唔錯, 好少可以喺出面食到咁鮮甜美味嘅海鮮火鍋煲, 就算食到的話價錢都唔平
紐西蘭雪花肥牛＄68雪花肥牛脂肪分布均勻, 紅白間住嘅脂肪比例啱啱好, 食落去唔會覺得太過乾, 因為肥牛始終係肉類點上些少豉油味道更加鹹香好味👍🏻
桂花蚌 ＄108呢度嘅桂花蚌感覺好新鮮, 半透明嘅質感同出邊食開嘅顏色好似有啲不同, 當桂花蚌煮熟後色水會變得實色, 口感爽口彈牙, 相當有咬口🤤🤤🤤♥️
參肝寶貝 $98呢道菜色係將幾樣食材混合唯一, 除咗有墨魚膠之外還有海參粒同蟹子, 食落似食緊墨魚滑蝦滑嗰啲口感
除此之外還叫咗娃娃菜及竹笙, 個人覺得除咗肥牛之外, 其他食材唔使再點豉油已經好好味! 🤤🤤🤤 （因為每一款都可以吸收到龍蝦湯嘅鮮甜味道, 諗起都覺得好正🙈）
奶黃色嘅海鮮湯賣相相當吸引, 因為鍋內加入左大量海鮮關係令到湯底味道相當鮮甜,蕃茄同南瓜都係新鮮食材, 就咁食已經好甜! 兩者煮得咁上下其實都已經煮到半溶狀態, 令到湯底更濃郁同埋帶點杰🤤🤤🤤🤤 諗加水之前我同我男朋友仲不停飲😂 海鮮湯底其實冇味精, 就係依靠湯底以及海鮮令到湯底變得更加甜美♥️🤤♥️🤤👍🏻 真係冇得頂! 💁🏼溫馨提示💁🏼如果火鍋冇水需要職員加上"海鮮湯"的話每一次係需要收取💰＄38架! 所以大家要留意番啊📣如果大家想保留海鮮湯嘅濃味都可以不妨加＄38, 價錢都唔貴. 不過我同男朋友就冇加到海鮮湯而係叫職員加水, 但係味道方面都唔會遜色⋯ 味道方面當然冇原先咁濃味喇!不過味道依然清甜♥️
多得朋友嘅介紹今日先至可以食到呢間咁出色嘅火鍋店, 味道方面的確係好出色! 尤其係個火焰龍蝦海鮮湯底, ＄298又可以食到海鮮又有大量嘅蔬菜真係好抵食!! 😆👍🏻👍🏻👍🏻 當日食到咁上下嘅時候聽到職員講龍蝦火鍋已經賣晒, 所以如果想一試龍蝦鍋嘅最好早啲去啊! 😋
題外話/補充資料：
如果火鍋冇水需要職員加上"海鮮湯"的話每一次係需要收取💰＄38架! 所以大家要留意番啊📣
(以上食評乃用戶個人意見 , 並不代表OpenRice之觀點。)
張貼
