小漁港海鮮舫 鮮蒸‧鮮味火鍋

呢間絕對係色香味俱全的火鍋！而且我帶住小朋友，姨姨上菜時亦格外小心，完全無服務態度唔好的情況
講返海鮮先，叫咗個2人set，叫完無耐就好快送海鮮黎，第一ground係鮑魚、蝦、扇貝，每款都非常鮮味，爽口彈牙同埋一定唔係冷藏海鮮黎，因為送到上枱隻隻蝦都勁生猛，係咁跳！之後就上賴尿蝦，但我就冇食到，因為怕賴尿蝦毒所以不嬲都唔會食，就唔comment啦。之後仲有蟹，亦有多肉有膏，認真係啖啖肉！
最驚喜係最後個麵，撈埋蒸嘅雞汁超惹味，可惜太太太小，唔夠喉，最後食埋個粥，個個攬住個大肚腩出門口。