影片
更多
2022-10-04
505 瀏覽
之前喺花園街食晏，發現旺角都開咗「魚事者」，不過係外賣店🥡，但反正啲食物乾爽無湯，拎走食都無所謂。呢晚嚟開交收，就順便買返屋企當晚餐。小店所賣嘅食物係魚肉製品🐟，魚，全部都係魚。無論麵、薯條、熱狗同燒賣等，通通都係魚，雖然食落質感有啲似，但我都好欣賞佢嘅創意。綿綿芝士汁吉列豬扒魚麵撈(半份$38)，🍜魚麵口感彈牙，無漿埋一餅。吉列豬扒半份就有三件，估計應該係入貨，味道正常🐷。芝士汁唔錯，唔會太鹹，而且夠晒流質，撈麵一流🧀。另外仲有紫菜絲同蕃茄莎莎，後者微微酸，幾開胃，又可解膩🍅。辣你唔死麻辣鴨絲魚麵撈(半份$38)，無諗過小店唔係專做辣，但竟然可以整出咁出色嘅麻辣🌶。辣味具麻香，辣度顯著兼惹味，而且伴鴨肉絲好搭調，再加埋🥒青瓜、芝麻、大蔥、紅椒同花生粒等，彷彿將北京烤鴨嘅精髓還原出嚟。「我要晒」小食拼盤($40)，包括炸魚狗腸、雙併燒賣同咖喱魚兵團，🍛咖喱汁好濃稠，滿有港式街邊魚蛋檔風味。炸魚狗腸原來全條都係魚肉，但我認為用魚肉包住香腸會特別啲🌭。雙併燒賣嘅芫荽口味好突出🌿，而魚兵團就係一般炸魚蛋。港式多士三併配黑松露醬($33)，🍞三色多士包括蝦、魚同墨魚。麵包層薄薄的，上面分別塗上
之前喺花園街食晏，發現旺角都開咗「魚事者」，不過係外賣店🥡，但反正啲食物乾爽無湯，拎走食都無所謂。呢晚嚟開交收，就順便買返屋企當晚餐。
小店所賣嘅食物係魚肉製品🐟，魚，全部都係魚。無論麵、薯條、熱狗同燒賣等，通通都係魚，雖然食落質感有啲似，但我都好欣賞佢嘅創意。
綿綿芝士汁吉列豬扒魚麵撈
$38
16 瀏覽
0 讚好
0 留言
辣你唔死麻辣鴨絲魚麵撈
$38
7 瀏覽
0 讚好
0 留言
「我要晒」小食拼盤($40)，包括炸魚狗腸、雙併燒賣同咖喱魚兵團，🍛咖喱汁好濃稠，滿有港式街邊魚蛋檔風味。炸魚狗腸原來全條都係魚肉，但我認為用魚肉包住香腸會特別啲🌭。雙併燒賣嘅芫荽口味好突出🌿，而魚兵團就係一般炸魚蛋。
港式多士三併配黑松露醬
$33
4 瀏覽
0 讚好
0 留言
炸魚無薯條($33)，睇個名就知乜料啦🤣，佢係幼身炸薯條形狀嘅炸魚條🍟，造型維肖維妙。魚條經輕輕油炸，但並唔油膩，另可揀配味粉。我要咗燒烤粉，令到味道變得唔單調。
洛神花山楂雪梨茶
$18
3 瀏覽
0 讚好
0 留言
總括嚟講，呢餐全部都係魚嘅繽紛盛宴讓人滿足😍，無諗過魚肉會有咁多變化。我認為半份魚麵份量都唔少，所以可以留肚食其他小食。小店嘅出品滿有特色，值得大家支持💪。
張貼
