魚事者Fisholic，一聽店名就知道呢間係專用魚肉做料理，一直想試吓。
今日放工經過就買咗個外賣魚麵撈返去食。
可以用手機掃描QR code落單，外賣自取可享有八折。
個外賣盒仔細細，設計隱約有陣文青嘅味道。
泰式-蝦頭油炸蝦球魚麵撈($56)
原價$70，八折後$56就買到。魚麵鋪上櫻花蝦，再增添香氣。唔知係咪因為外賣既關係，炸蝦球唔係平時日本炸物咁香脆，但勝在夠彈牙！但主角一定係魚麵，因為食落爽彈，唔會覺得腥，我相信唔鍾意食魚既人都會鍾意食。整個份量偏少，係女仔食嘅份量，下次要加配小食先得！
