一番風味 (已結業)

上個禮拜同朋友去左食海鮮餐，朋友話好食之餘又唔貴，係灣仔好方便咁話。點知原來佢講既就係「一番風味」，我之前已經去過喇雖然今日係平日，但係都好似好多人。我地都鐘意食海鮮，但係我地得2個人，所以都係唔叫蟹粥喇，驚食唔晒。所以我哋決定叫三個小菜食呢個係蒜香炒龍躉球🐟，味道好香，蒜蓉味好重魚肉鮮味又夠結實，唔會一夾就散。西芹都炒得好香，好爽口呢個係黃金蝦🦐，差唔多有六隻。黃金蝦即係外皮係用蛋黃做呢，味道好甘香。蝦肉爽口彈牙，每隻差唔多有一隻手指咁長呢個係避風塘炒肉蟹🦀，好香！好香！好香！！！係好香蒜蓉同埋蔥味，好夠穫氣而且佢預先幫你開咗啲肉，所以自己開都唔會好難開，肉質結實仲好鮮味，味道辣辣地，好開胃！本來我哋都唔諗住叫飯，但見到呢個餸，我哋都叫咗一個飯一齊share呢度我差唔多有成大半年冇來啦，但估唔到個水準依然保持得咁好，食物好新鮮，又夠穫氣而且以食海鮮來講，呢度嘅價錢都好合理