定食 Doraya (已搬遷) 新店位置

12/12 晚，未夠6點半，已經坐定定。客人唔多，d侍應妹妹仔仲圍埋傾緊計。見價錢唔貴，決定食豪d。叫o左個極上吞拿魚定食、藍鰭吞拿魚扒飯定食，另外再加一個炸蝦天婦羅。兩個定食先到，先試個湯。簡單o既麵豉湯，夠味足料。再試個蒸蛋，以前響日本食懷石時都食過，咸咸甜甜味道怪怪的。呢道o既蒸蛋，味道比較淡，而且充滿蛋味。對日式蒸蛋有新睇法！極上吞拿魚果然肥美，好新鮮！好惜魚肉有筋，影響口感。聽聞米飯用日本米，果然質感、味道俱佳。藍鰭吞拿魚扒都好好味，不過同樣都有筋。而可能用唔同o既米，口感完全唔係o固回事。炸蝦天婦羅最後到，剛剛炸起，特別好食。蝦算大隻，而且炸得透徹，味道幾好。可能客人唔多，服務算勤快，加茶收碟都做足。