旺角川菜餐廳「捌壹壹」，不論月頭月尾、長崎良美都好，anytime你都食得起，因為真係太抵食啦🤪
.
🍴必食冷鍋酸菜魚
💰$208
冷鍋是指將已烹調好嘅酸菜魚原鍋呈上，避免持續加熱破壞魚肉營養及精華✨食完魚後嘅湯底亦可打邊爐用，不過今次人少少食就唔打邊爐啦😅
上菜時酸菜花椒味香氣四溢，已經讓人食指大動😋魚片滑溜無骨、嫩而不爛又鮮甜🥰湯頭夠酸夠麻，辣度自由選擇，今次就選咗小辣，辣味啱啱好唔會搶咗魚肉嘅鮮甜😌配菜有酸菜、大豆芽、金菇、萵筍，最重要有🐻最愛嘅寬粉，勁Q彈，配埋湯底食無得輸😍
.
🍴回鍋肉
💰$88
五花肉層次分明，肥而不膩，而且辣味到位🔥配搭埋大蔥一齊炒，香味更濃郁😍呢道菜佐飯一流，即使食完酸菜魚都可以清一碗白飯🤣
.
🍴黑糖糍粑（小）
💰$35
食川菜點可以唔叫黑糖糍粑💖糍粑三碗黃豆粉，外脆內軟又煙靭，加埋靈魂黑糖，正🤟🏻
.
🍹柑橘青檸梳打
💰$35
食辣野梗係要叫杯梳打爽透心涼🤓柑橘味幾出，唔會好甜
.
餐廳每道菜份量都超多，而家經OpenRice 訂座仲有68折，性價比超級高‼️經開旺角口痕想食川菜，呢間絕對係個好選擇✅
